ZGJIDH EDUKIMIN E DUHUR. ZGJIDH SHKOLLËN JOPUBLIKE ROGACIONISTËT.

Gjimnazi jopublik “ Rogacionistët” është një gjimnaz i përgjithshëm katolik që i jep rëndësi të veçantë Njeriut. Ndaj vizioni ynë është nxitja në rrugëtimin formativ e çdo nxënësi, duke i dhënë mundësi të shprehë aftësitë e veta në rrafshin e dijes, dashurisë, marrëdhënieve ndërpersonale, duke vlerësuar origjinalitetin dhe diferencat e secilit në formimin e qytetarit evropian.

Gjimnazi ynë, me një komunitet të larmishëm nxënësish dhe me një vazhdimësi arritjesh, ka si mision të sigurojë faktin që çdo nxënës të arrijë sukses akademik, rritje personale dhe përgjegjshmëri sociale duke krijuar një mjedis të sigurtë e të përshtatshëm për nevojat dhe aspiratat e secilit individ. Ky mision përfshin edukimin e këtyre të rinjve në përputhje me vlera të caktuara duke u kujdesur që të jenë të gatshëm për të hedhur hapa të sigurtë në të ardhmen. Me pak fjalë, qëllimi ynë është që të mbështesim dhe fuqizojmë nxënësit tanë që të bëhen:
– Nxënës të suksesshëm
– Individë të vetëdijshëm
– Qytetarë të përgjegjshëm
– Kontribues efikas dhe pozitivë në shoqëri

Lexoni Me Shume

– Synimet kryesore të shkollës sonë përfshijnë:
 Rritjen e rezultateve në nivel shkolle duke i motivuar nxënësit vazhdimisht që të jenë ambiciozë për arritjet e tyre
– Përgatitjen e nxënësve që të jenë kërkues, elokuent, mendues të pavarur kritik si dhe individë të përgjegjshëm e të vetëdisiplinuar që të tregojnë respekt ndaj vetes e të tjerëve
– Formimin e nxënësve që të zotërojnë kompetenca, njohuri, shkathtësi e shprehi të cilat ndihmojnë në formimin e tyre të gjithanshëm.

Gjimnazi ynë ka si qëllim arritjen e këtyre objektivave:
– Mundësimi i një programi të plotë të mësimdhënies duke përdorur praktikat më të përshtatshme arsimore në përputhje me nevojat intelektuale, sociale dhe kulturore të nxënësve
– Zbërthimi i kurrikulës në mënyrë inovative dhe sfiduese nga një staf i angazhuar për ta çuar shkollën përpara si një shkollë lider në edukimin bashkëkohor dhe mësimdhënien me në qendër nxënësin.
– Orientimi i nxënësve në botën e teknologjisë duke i ndërgjegjësuar në përzgjedhjen e informacionit në shërbim të procesit mësimor
– Zhvillimi i vazhdueshëm profesional i stafit nëpërmjet trajnimeve të brendshme si dhe atyre të organizuara nga MAS apo bashkëpunimit me shkollat e tjera private
– Ruajtja e standardeve akademike duke përfshirë rezultatet e larta në provimet e Maturës Shtetërore dhe rrjedhimisht duke ndërtuar një reputacion të spikatur e të pakundërshtueshëm që zbeh qëndrimet negative ndaj arsimit privat.
– Inkurajimi i tolerancës dhe pranimit të individëve të tjerë pavarësisht diversitetit, vlerave fetare, sociale e familjare të tyre
– Parandalimi i ngacmimeve fyese dhe tolerancë zero ndaj dhunës verbale e psikologjike
– Konsolidimi i bashkëpunimit me prindërit si faktor kyç dhe i pazëvendësueshëm në edukimin e brezit të ri.
Në këtë mënyrë, shkolla nuk është thjesht një “inkubator” dijesh apo “kurth” i kreativitetit dhe imagjinatës, por trampolinë e sigurt drejt së ardhmes per individë krijues e iniciatorë të ideve të reja.

“Sekreti i edukimit është Dashuria pasi ajo që del nga zemra është më frytdhënëse dhe jetëgjatë, sepse edukimi është çështje zemre”
(Atë Anibale -Shën Roza Venerini)